HR 1 - HÍ 0
Stúdentafélag HR ásamt Stúdentaráði HÍ stóðu fyrir góðgerðarleik í knattspyrnu á laugardaginn, lið Háskólans í Reykjavík bar sigur úr býtum 1-0!
Alls söfnuðust rúmlega 300.000 krónur á leiknum, en allur ágóði rann óskiptur til KRAFTS, stuðningsfélags fyrir ungt fólk sem greinst hefur með krabbamein og aðstandendur þeirra.
Okkur langar að þakka þeim fjölmörgu sem komu að leiknum: Willum Þór Þórssyni, þjálfara liðsins, ásamt Svöfu Grönfeldt rektor og aðstoðarþjálfara, HR klappstýrunum, Kristni Jakobssyni og hans aðstoðarmönnum, Valtý Birni, starfsfólki Kórsins í Kópavogi, starfsfólki Krafts og síðast en ekki síst öllum leikmönnum liðsins fyrir að klára dæmið svona snilldarlega!
Til hamingju HR-ingar!
