Gjörningur Gospelkórs HR
Gospelkór Háskólans í Reykjavík verður með sönggjörning í húsakynnum HR við Nauthólsvík í hádeginu dag. Dagskráin hefst kl. 12.30 þegar um 160 nemendur Háteigsskóla taka lagið ásamt Gospelkór HR á göngum skólans.
Kórinn vill með þessum gjörningi lífga upp á daginn.
Kl. 13.00 stígur Geir Ólafsson söngvari á svið og hálftíma síðar rappar Ástþór Óðinn fyrir gesti og gangandi. Kl. 14 lýkur Gospelkórinn gjörningnum með því að taka nokkur vel valin lög.
Gospelkór Háskólans í Reykjavík var stofnaður haustið 2009. Á þeim stutta tíma sem kórinn hefur starfað hefur hann margsinnis komið fram opinberlega, svo sem í Árbæjarkirkju, hjá Hjálpræðishernum, á Café Rosenberg og nú síðast á jólatónleikum í Iðnó.
Kórstjóri er Elín Halldórsdóttir óperusöngkona.